Қарашаның 21-і күні Көкшетау қаласының № 2 мектеп-лицейінде бітіруші 9 және 11 сыныптардың ата-аналарымен жиналыс өтті.

Қарашаның 21-і күні Көкшетау қаласының № 2 мектеп-лицейінде  бітіруші 9 және 11 сыныптардың ата-аналарымен жиналыс өтті. 
Жиналыс директордың тәрбие жөніндегі орынбасары А. Т. Ержановтың кіріспе сөзінен басталды.
Бірінші мәселе бойынша кәмелетке толмағандар туралы учаскелік полицияның аға лейтенанты К.Б.  Қажымов сөз сөйледі. Ол әкімшілік және қылмыстық жауапкершілікке тартылған балаларға қатысты статистикалық мәліметтер келтіріп, сағат 23:00-ден кейін оқушылардың үйден тыс  болғаны үшін әкімшілік жауапкершілікке тарту жайында айтты.  
Бұдан әрі директордың оқу жөніндегі орынбасары Гауһар  Әлімбаевна оқушылардың ата-аналарына МОДО, PISA, ҰБТ-ны ұйымдастыру мен өткізу  ерекшеліктерімен  таныстырып өтті. Сондай-ақ, Ғауһар Әлімбаевна  ата-аналарды жиі мазалайтын ҰБТ-ны сынақ түрінде өткізу турасындағы сауалдарға жауап берді. Мектептің кәсіби бағдаршысы А. Р. Басболатова "Сіздің балаңыздың мамандығын таңдау – болашақты таңдау" тақырыбында сөз сөйледі.
Қорытындылай келе, ата-аналар жиналысы нәтижелі өтті. Білім алушылардың ата-аналары белсенді қатысушылар болып, өздерін қызықтырған барлық сұрақтарға жауап ала алды.