2025 жылғы 8 қыркүйекте Мемлекет басшысы Қасым-Жомарт Кемелұлы Тоқаев Қазақстан халқына жолдау жасады.

2025 жылғы 8 қыркүйекте Мемлекет басшысы Қасым-Жомарт Кемелұлы Тоқаев Қазақстан халқына жолдау жасады. Осыған орай, №2 мектеп-лицейінде жолдаудың бейнетаныстырылымы өтті. Аталмыш жолдауда ең алдымен заман талабына сай жаңғыру, яғни цифрландыру мен жасанды интеллектті кеңінен енгізу мәселесі қозғалды. Президенттің арнайы жасанды интеллект және цифрлық даму министрлігін құру бастамасы – Қазақстанды болашаққа сенімді жетелейтін батыл шешім. Бұл қадам — еліміздің технологиялық қуатын арттырып, әлемдік бәсекеде лайықты орын алуына ықпал етеді.

Анығын айтқанда, бұл жолдау – Қазақстанның жаңа дәуірдегі даму стратегиясын айқындаған бағдаршам іспетті. Егер айтылған міндеттер жүйелі түрде орындалса, еліміз болашақта қуатты экономикасы бар, әлеуметтік тұрғыдан әділ, саяси жағынан тұрақты мемлекетке айналатыны анық.